കുട്ടികളുടെ
വളര്ച്ചയുടെ
വഴികളില്
നമുക്ക്
എങ്ങനെ
രംഗബോധമുള്ള മാതാപിതാക്കളാകാം?
- By Dr. Salim
സംഭവ ബഹുലമായ ഒരു
യുഗത്തിലൂടെ കടന്നുപോകുന്നു നാം... ലോകം നന്മയുടെ
ധ്രുവത്തില്നിന്നും ബഹുകാതം അകന്നുപോയിരിക്കുന്നു.
സ്വാഭാവികമായ പരിമിതികള് വിട്ട് ചരിത്രം കുതിച്ച്ചാടുകയാണ്. തിരിച്ചറിവ് നഷ്ടപ്പെട്ട അരങ്ങില്
നുണയും താന്പോരിമയും അഴിമതിയും രംഗം ഭരിക്കുന്നു.
നേരും നേരറിവും അന്യമായിരിക്കുന്നു...
മര്ദ്ദിതന്റെ രോദനം ഭീകരതയായി മൊഴിമാറ്റം
ചെയ്യപ്പെടുന്നു. ധര്മരോഷം കൊള്ളുന്നവരുടെ
കണ്ഠങ്ങളില് കൈയൂക്കിന്റെ താഡനം. മനുഷ്യരുടെ,
രാജ്യത്തിന്റെ അവകാശധ്വംസനങ്ങള് നമുക്ക് നിര്വികാര
പത്രവാര്ത്തകള്... ധര്മവും സത്യവും നീതിയും
ഇന്നലെകളിലെ കേട്ടറിവുകള് മാത്രം. സംസ്കാരം ദിശയും
താളവും നേരും ചുവടും നഷ്ടപ്പെട്ട ഫാഷനുകള്.
വിവേകിയുടെ
അവസാന ചുവടും
അട്ടിമറിക്കപ്പെട്ടിരിക്കുന്നു. മര്ദ്ദകര്
നവലോകത്തിന്റെ, സമാധാനത്തിന്റെ ദൂതന്മാരായി
വാഴ്ത്തപ്പെടുന്നു. തിന്മയുടെ പ്രതിലോമശക്തികള്
ഭൂമിയെ കീഴടക്കിക്കൊണ്ടിരിക്കുന്നു.
യുവതലമുറയോ?. ലോക പുന:സൃഷ്ടിയുടെ
ചാലകശക്തിയാകേണ്ട യുവതലമുറ രംഗം വിട്ട്
മയക്കത്തിലാണ്. മദ്യവും മയക്കുമരുന്നും മാദക
നൃത്തവും അവരുടെ ഉള്ളം കാര്ന്നുതിന്നുകയാണ്. ഇവിടെ ഒരു തിരിച്ചറിവ് വേണ്ടതുണ്ട്. പുരാതന
സംസ്കാരവും ധര്മവും എങ്ങനെ പിഴച്ചു? നേരും
നെറിയും ദുര്ബലമായതെങ്ങനെ? എവിടെയാണ് താളം
പിഴച്ചത്? നാളെയുടെ ചക്രവാളങ്ങളില് നന്മയുടെ
പുലരി എങ്ങനെ സാധ്യമാകും?
അസ്വസ്ഥമായ ഈ ചോദ്യങ്ങള്ക്ക് ശാന്തി
തേടുന്നവര്ക്ക് വഴി തുറന്നിടുക യാണിവിടെ. ഒരു
തലമുറയുടെ ഗതിവിഗതികള് നിയന്ത്രിക്കുന്നതില്
മാതാപിതാക്കളുടെ തിരിച്ചറിവിലേക്കുള്ള
വഴിവെളിച്ചമാണീ പംക്തി.
മണ്ണിനും മനുഷ്യനും ഉപകാരമുള്ള തലമുറയെ
വളര്ത്തിയെടുക്കല് നമ്മുടെ ധാര്മ്മിക
ഉത്തരവാദിത്തമാണ്. കാലവും ചരിത്രവും സാക്ഷിയാക്കി
യാത്ര തുടരുന്ന നമ്മുടെ പഥങ്ങളില് നന്മയും
സ്നേഹവും സംസ്കാരവുമുള്ള ഭൂമിയുടെ
അനന്തരാവകാശികള് അവശേഷിക്കട്ടെ. അവരുടെ
വളര്ച്ചയുടെ വഴികളില് നമുക്കെങ്ങനെ രംഗബോധമുള്ള
മാതാപിതാക്കളാവാം?
ഇന്നലെകളില് വളര്ന്ന നമുക്ക്
ഇന്നിന്റെ
ആവശ്യങ്ങളുള്ള
കുട്ടികളുടെ അഭിരുചികള് എങ്ങനെ
മനസ്സിലാകും? അവരുടെ വളര്ച്ചയിലെ
അനിവാര്യതകള്..വെടിയേണ്ടവ...
അനുശീലങ്ങള്... പൊരുത്തക്കേടുകള്,,, അവയോട് നാം എങ്ങനെ സംവേദരാകും?
ഇത്തരം നിരവധി അന്വേഷണങ്ങളിലൂടെ, ശാസ്ത്രീയമായ
കാഴ്ചപ്പാടുകളോടെ അന്വേഷകരെ വഴി നയിക്കുകയാണ് ഈ
പംക്തിയിലൂടെ.
